O coche voador xa é unha realidade

Nunha feira en Viena a semana pasada, a empresa eslovaca AeroMobil mostraba un prototipo dun auto capaz de voar que se encontra practicamente listo para saír ao mercado. O chamado 'Aeromóvil 3.0' é un vehículo con capacidade para dúas persoas que pode retraer as súas ás para transformarse nun elegante coche- 'roadster'. Un tanque de gas pode cubrir 430 millas no aire ou 540 millas no chan.

En comparación cos dous primeiros prototipos, o 3,0 é especialmente lixeiro e compacto grazas á utilización de materiais de fibra de carbono. O vehículo pode ascender ata 9.800 metros e voar a esta altura a unha velocidade de 200 quilómetros por hora.

Por suposto, tan pronto como empezamos a falar de coches voadores, unha serie de problemas de seguridade entran en xogo, pero, ao parecer, os enxeñeiros de Aeromóvil dotaron o vehículo coas características e os equipos de seguridade axeitados.

"Cos dispositivos GPS instalados, un piloto automático e un sistema de paracaídas de emerxencia, así como un xogo completo de farosLED e sinais de xiro homologados para o tráfico urbano, o dispositivo revolucionario é agora o máis próximo da súa clase a estar listo para o uso público", apunta o portal de ideas estadounidense PSFK.

O Aeromóvil xa foi ' pre-certificado' pola Autoridade de Aviación Civil de Eslovaquia. Non obstante, non está claro cando vai estar dispoñible á venda.

"O que a xente necesita saber é que a certificación pode tomar anos e as probas poden necesitar moito tempo", sinalou Stefan Vadocz, xefe de relacións públicas da compañía, citado por 'The Washington Post '.